luns, 2 de novembro de 2015

Outono dourado

Ven vindo outono dourado
coa túa frautiña de vento
e o teu pantalón mollado.

Brinca no medio dos montes
co arrecendo no pelo
das espigas e das fontes.

Cóllelle a dianteira ao frío
acastañado nas cores 
da beira do río.

Ven vindo, outono dourado, 
cos petos cheos de noces
e de ourizos regañados.

Ana María Fernández



Ningún comentario:

Publicar un comentario