Xogamos cos LEGO...na clase de Mates

Cantas cousas podemos facer cos LEGO?

O outro día decidimos empregalos na clase de matemáticas. Primeiro fixemos torres de dez pezas de igual tamaño. Tiñamos unha "decena" coa que fixemos sumas e restas.

Por exemplo:

"Se quitamos tres pezas, cantas che faltan para volver a ter a decena?"

                   

 "Se temos dúas pezas, cantas me faltan para chegar a ter 10?"

Logo sumamos tódolos montóns para saber cantas pezas tiñamos en total (ollo ao truco para acabar antes de contar).

Houbo alumnos foron contando: 10, 20, 30, 40....en total tiñan 100!

Outra das actividades foi a descomposición do número 10:

5+5

4+6

6+4

3+7

7+3

1+9

9+1

e tamén:

8+1+1

1+7+2

3+3+4

...

Canto pensan estos nenos e nenas!!!

Ao final empregamos os LEGO para repasar o aprendido noutras sesións sobre "menor que" e "maior que"...cos LEGO foi moooi fácil!

Aquí está a galería de fotos desta sesión:

Celebramos o Samaín

Hoxe pasamos un gran día celebrando o Samaín no colexio. Así é como estaba a entrada do noso pavillón esta mañá:

Logo disfrutamos duns contos de medo que nos contaron os rapaces e rapazas de cuarto e sexto curso, pasámolo moi ben.

(FOTO)

Estivemos acompañados dos nenos das outras clases de primeiro cos que tamén bailamos e xogamos.

Antes do recreo fixemos a merenda na clase, cada un trouxo doces típicos do Samaín e compartímolos. Estaban riquísimos!

Ao final da mañá xuntámonos tódalas clases do colexio no porche, había disfraces chulísimos! E seguimos bailando e cantando para rematar a festa.

Feliz Samaín!